WB Games покажаа ново Batman: Arkham Origins- Gameplay Walkthrough видео, а познати се и сите осум атентатори од играта.
Развивачите од WB Games го објавија видеото за да не запознаат подобро со гејмплејот во играта и да ни ја покажат пештерата на Бетмен за третото продолжение од серијалот Batman Arkham, до чие лансирање остануваат уште три дена. Да бидам искрен не го догледав видеото, запрев на првите снимки од пештерата за да не си ја расипам играта. Ако не сакате спојлери не го гледајте видеото.
[youtube]http://youtu.be/JRZx8Ey8PEo[/youtube]
All Games Beta објави слики од последните два атентатори кои ќе се обидат да го убијат Бетмен и да ја добијат понудената награда од Black Mask, тоа се Killer Croc и Lady Shiva. Целата листа на атентатори кои ќе го прифатат повикот на Black Mask е: Killer Croc, Lady Shiva, Bane, Deadshot, Deathstroke, Copperhead, Firefly и Electrocutioner.
Секако и Џокер ќе има своја улога во играта, меѓутоа колкава ќе биде се уште не се знае. Марк Хамил нема по трет пат да го позајми гласот на легендарниот негативец. Улогата овој пат ја доби Трој Бекер кој го позајми гласот на Joel во The Last of Us и Booker DeWitt во BioShock Infinite оваа годиана, а за Batman: Arkham City во 2011 ги говореше Tim Drake, Robin, Harvey Dent, Two-Face и други. А Роџер Крег Смит ќе го замени Кевин Конрој во улогата на Бетмен.
[youtube]http://youtu.be/pAn49oUtHJE[/youtube]
Приказната во играта ќе се одвива во временски пред настаните од Batman: Arkham Asylum, а Бетмен се уште не е пријател со Гордон и полицијата. Напротив за нив тој е еден од најбараните криминалци.
За оние што нe ги играле Batman: Arkham Asylum и Batman: Arkham City треба да знаат дека ова се двете убедливо најдобри лиценцирани игри. Графиката, актерите, приказната и гелмплејот се одлични и гарантирано ќе уживате во двете игри. Batman: Arkham Origins ќе биде достапна од 25-ти октомври за PC, PS3, Xbox 360 и Wii U.
[youtube]http://youtu.be/vLKud58w9Ik[/youtube]
Текстот е објавен во соработка со МкКод
