Киселината од газираните сокови и цитрусот ја нагризува забната глеѓ, кафето и алкохолот оставаат дамки на забите, а сувото овошје и бонбоните го зголемуваат ризикот од кариес. Прочитајте кои намирници треба да ги избегнувате ако сакате бели и здрави заби.
1.Бонбони, желе, гумени бонбони…
Сите овие производи се полни со шеќер на кој му треба подолго време да се растопи отколку на чоколадото. Во процесот на растопување, бактериите го претвораат тој шеќер во киселина која ја оштетува забната глеѓ и го забрзува формирањето на кариес.
2.Газирани сокови
Во лименка газиран сок во просек има 11 лажици шеќер што за три пати го зголемува ризикот од расипување на забите и ја уништува забната глеѓ. Токму поради ова се препорачува да се избегнуваат овие сокови или да се пијат со сламка.
3.Цитруси
Силните киселини од цитрусот ја нагризуваат забната глеѓ и го забрзуваат расипувањето на забите, а не помага ниту четкањето. Се препорачува устата да ја измиете со студена вода, а со четкање треба да причекате најмалку еден час поради тоа што со четкичката киселината се шири во устата и продира подлабоко во забите.
4.Кафе
Кафето остава дамки на забите поради што тие изгледаат жолти, ја оштетува глеѓта и може да предизвика воспаление на непцата.
5.Алкохол
Освен кафето и алкохолот го намалува природното производство на плунка која ги штити забите од остатокот од храната и штетните киселини и така ги надразнува непцата.
6.Чипс
Чипсот и лебот може да се задржат меѓу забите и токму поради ова по јадење на овие продукти задолжителни треба да се ичсистат забите со конец за да спречите таложење на бактериите.
7.Суво овошје
Сувото овошје како и гумените бонбони се лепат за забите, па на тие места плунката не може да ја неутрализира киселината која се создава и ги оштетува забите.
