Општина Центар планира да го поскапи паркирањето во Центар како една од мерките против загадување на воздухот и решавање со проблемот со метежот на паркиралиштата во скопскиот центар. Општината подготвува предлог одлука со која ќе се дуплира цената за еден час паркирање.
Се уште не е одлучено дали оваа промена ќе се воведе пред или по Нова Година. Од Општината наведуваат дека предлогот треба прво да ја помине процедурата во Советот, односно советниците да ја изгласаат ваквата одлука. Предлогот, велат од таму, е по примерот на светските метрополи.
