5.322 новозаболени пријави денеска Италија а уште позагрижувачки е бројот на починати, за само 24 часа коронавирусот во земјата однесе 427 животи. Вкупниот број на заболени во Италија надмина 41.000 од кои 3.405 лица починаа.
Со денешните потврдени смртни случаи бројот на починати, Италија ја надмина Кина. Од почетокот на епидемијата до сега во Кина починаа 3.425 лица.
Бројот на починати во Италија се очекува да продолжи да се зголемува затоа што во моментов во земјата има 2.498 заболени во критична состојба.
