Јапонската опсесија за средношколската култура и слатките девојки доби ужасен пресврт во кој младите девојки им се нудат на средовечните и постарите мажи за излегување. Минатогодишниот извештај за трговијата со луѓе покажува дека овие излегувања, всушност, се користат како параван за секс индустријата на сега веќе софистицираната криминална мрежа.
Вајс Њуз и Сајмон Островски ве носат во Акихабара, област на најкомерцијалниот кварт во Токио, каде девојките во училишни униформи им се нудат на клиентите во локалите. Најголемата вистина се крие зад затворените врати каде што девојките опишуваат како се вовлекуваат во синџирите на проституцијата.
