Американско-израелски бизнис директор сметал дека случајно ја погоди големата добивка кога виден зелените ознаки покрај својата обложувачка прогноза за соборување на иранскиот врховен лидер, ајатолахот Али Хамнеи. Неговата уплата од 3.460 долари одеднаш се претворила во потенцијална награда од над 63.000 долари, откако американските и израелските сили го елиминирале Хамнеи во воздушен напад. Сепак, исплатата никогаш не се остварила.
Според порталот „Футуризам“, платформата за предвидувачки пазари наречена „Калши“ одбила да исплати вкупно 54 милиони долари на корисниците кои се обложиле дека Хамнеи ќе биде „соборен“ од позицијата минатиот викенд. Компанијата ја оправдала својата одлука со тврдењето дека неговата смрт не претставува „соборување“ од функцијата и дека платформата не дозволува облози директно поврзани со смрт.
Оваа одлука предизвикала големо незадоволство, особено откако обложувањето било дозволено и собрало значителни суми пред компанијата да ги актуелизира правилата. „Резервирав патување во Куршевел“, се пошегувал директорот во својата изјава за „Вашингтон Пост“, алудирајќи на познатото луксузно скијалиште во Алпите. „Потоа ги сменија правилата… и сите нè измамија.“
Иако платформата наводно им ги вратила уплатите на обложувачите, многумина кои очекувале големи профити го изразиле својот гнев на интернет. „Толку сум згрозен што, искрено, се откажувам од предвидувачките пазари, барем за сега“, напиша еден инвеститор на социјалната мрежа Икс (поранешен Твитер). „Ми должите повеќе од 2.500 долари, а на многу други обични инвеститори им должите уште милиони.“
Критики стигнаа и од политичарите. Демократскиот сенатор Крис Марфи изјави за „Вашингтон Пост“ дека ваквите пазари на предвидувања претставуваат „американска комерцијална неморалност на стероиди“. „Кога настаните што вклучуваат добро и зло стануваат само финансиски производ, не знам како повеќе може да има смисла што е исправно, а што погрешно“, изјави Марфи, истакнувајќи дека не треба да навиваме за нечие умирање само затоа што сме се обложиле на тоа.
